АНГЛИСКИ ТОП 40 ( 06.05 - 13.05 1967) - втор дел.

21.Arthur Conley - Sweet Soul Music ( No7 )

Во времето на оваа песна тој има 21 година. Откритие е на Otis Redding кој и ќе му помогне да го потпише првиот дискографски договор. Подоцна е член на соул кланот со Solomon Burke, Joe Tex, Ben E.King. Песнава е плагијат ( иако не се води како таква), потпишана од Otis Redding , во тоа време мошне моќен репрезент на соулот. Имено "препишана" е од песната Yeah man на Sam Cooke, ја преправа и и го дава новиот наслов  Sweet soul music и во Велика Британија со неа неговиот штитеник Arthur Conley стасува до седмото место. 

22.Cliff Richard - It's All Over ( No 9)

Ако англичаните го имаа својот Elvis Presley, без сомнение тоа беше Cliff Richard.За жал, на американците не им требаше тој, бидејки имаа веќе свој. Ама затоа англичаните подоцна ќе им "утрапат" еден куп свои. Неверојатен е податокот дека во период од 1959 до 1982 Cliff Richard има само девет Топ 4о хита во САД од кои само три Топ 10 пласмани со шестото место како максимум за Devil woman во 1976. Во истиот тој период во Велика Британија има: 47 Топ 10 хитови, плус 31 Топ 40 пласман а од сите нив десет No 1 хитови. Но, тој  творел успешно и по тој период. До 2005 (од 1982) ќе изреди уште 19 Топ 10 пласмани, плус 22 Топ 40 позиции а од нив нови четири првопласирани. Колку за споредба. До овој сингл Cliff Richard има 33 Топ 10 хита, осум првопласирани а овој сингл е максимално деветти.

23.Harry Secombe - This is мy song ( No 2)

Во раните шеесети заедно со Peter Sellers, Michael Bentine, Spike Milligan ја создава групата Goons. Два пати благороднички одликуван од англиската кралица, 1963 и 1981.Умрел 2001. Во кариерата самостојно три чарт сингла, еден Топ 10 пласман и тоа со овој сингл, максимално до местото број два. А песнава е напишана ( знам звучи за многумина од вас неверојатно )од Charlie Chaplin, за филмот A countess from Hong Kong за кој тој е сценарист, режисер и автор на музиката и ја толкува главната улога .

Оргинално напишана 1966 а отпеана од Petula Clarkсо која таа доаѓа до првото место 

( две недели ) на англиската топ листа а и нејзиниот нареден сингл (Don`t sleep in the subbway - No 12 ) е исто така од филмот.

НЕ МОЖЕВ ДА ОДДОЛЕАМ!

24.Martha And The Vandellas - Jimmy Mack ( No 21)

Не е кому е судено, туку кому е пишано...или како и да беше. Еклатантен пример е нивната приказна.Почнале како вокално трио од Детроит под името Delphis во кое се Martha Reeves, Annette Sterling Beard и Rosalind Ashford. И пристапуваат на дискографската куќа Motown која ги вработува како секретарки, кои по потреба пеат придружни вокали на разни снимања.Шансата ја добиваат кога пеачката Mary Wells не доаѓа на закажаниот термин на снимање, кој за да не пропадне, отстапен им е на Delphis кои инстантно го добиваат името Vandellas ( а кое им го дал Marvin Gaye за кој ги пееле придружните вокали за неговиот албум Stubborn kind of fellow). Во 1964 ги напушта Beard и заменета е со Betty Kelly но и таа си оди 1968 на чие место доаѓа Louis, помладата сестра на Martha Reeves. И уште еден интересен дел. Нивниот прв англиски чарт сингл е Dancing in the streets кој оргинално објавен 1964 доаѓа само до 28-то место, за да во реиздание 1969 биде четврти во Велика Британија. А тoа е на некој начин заштитната песна на Live aid отпеана од David Bowie и Mick Jagger.Така и со оваа песна.Оргинално е снимена 1964 но заради некаква грешка во тонското студио на Motown или едноставно била под високите стандарди на сопственикот Berry Gordy, не била објавена, се до 1967.

25.Shadows - Maroc 7 (No 24)

Една од најголемите групи на шеесетите години. Во сите компоненти на поимот за вреднување.Но во една особено.Заради, за овие времиња непојмливо, можеби неразбирливо, неверојатно големо, силно влијание врз илјадници музичари ширум Европа, свеетот и кај нас.Кој подоцна еволуирале во она што е денес најзначајно во историјата на поп и рок музиката. До овој сингл 39 Топ 10 пласмани,згора уште 16 други Топ 40 а дванаесет првопласирани!Скор за секоја почит.Тогаш а и сега!Насловна тема од филмот од 1967.

26.Jimmy Ruffin-Gonna give her all the love I've got (No 26)

Во време на овој сингл, тој има 29 години, и е постар брат на David Ruffin од групата Temptations. Кариерата ја почнува 1961 потпишувајки за куќата Motown а потоа е регрутиран во војската на САД.Ја има среќата, американците сеуште не се инволвирани во виетнамската војна ( инаку отиде курбан) и се враќа во 1963.Инстантно ја одбива понудата да стане член на групата Temptations (професионална грешка и тоа каква). Многу години подоцна во осумдесетите, во Велика Британија е дел од проектот на Paul Weller - Council Collective. Во кариерата ќе има шест Топ 10 сингла, овој максимално до 26-тото место. Најпознатиот хит му е What becomes of the broken hearted.

27.Jimi Hendrix Experience - The wind cries Mary (No 6)

После години барање на вистинскиот лик кој би го толкувал легендарниот леворак гитарист, првиот кој со првата буква "Ј" замина на 27 годишна возраст во светот на легендите ( наредните двајца беа Janis Joplin и Jim Morrison ), Jimi Hendrix, решено е да го игра во биографскиот филм,поранешниот дел од рап тандемот OutKast, раперот, пеачот, композиторот, мултиинструменталистот, продуцентот и актерот  познат како Andre 3000, а чие вистинско име е Andre Lauren Benjamin. Додуша тој е веќе на возраст од 37 години, но веројатно ќе се справи со десет годишната разлика. А пред 45 години во 1967, ова време на мај, на англискиот Топ 40, Jimi Hendrixсо својот веќе трет Топ 10 сингл предводејки ја својата група Experience, трио во кое покрај него се и басистот Noel Redding и тапанерот Mitch Mitchell.

28.Topol - If I were a rich man ( No 9)

Ова е песна од еден од најпознатите мјузикли на сите времиња Fiddler on the roof, напишана од Sheldon Harnick и Jerry Bock. Носечката песна во него If I were a rich man ја пее главниот лик Tevye, кој сонува за богатство, слава, ама е сиромашен како црквен глушец ( некогашен, денешните не се веќе сиромашни ). Мјузиклот прераснува во филм во кој главниот лик Tevye, маестрално го толкува израелскиот пеач Shaim Topol .

Ова треба да се види, песнава е дел од сечија интелектуана музичка надградба, планетарно музичко наследство, особено што желбата на Tevye е човечка, и признајте, колку пати и од Вас, посонувана и посакана.Ех да сум богат? И секогаш, што не сме, Господ ни е крив, и нему му се обраќаме, обвинувајки го...човечки. Одгледајте го, вреди секоја секунда од оние шестмина минути. Ах, единствен чарт сингл за Shaim Topol, а песнава иако далеку од секој тогашен актуелен тренд, доаѓа максимално до деветото место.И уште нешто:македонската група Скипи и Тајзи направиле песна чиј урнек е очигледно оваа, именувајки ја со Екскјуз ми. Штета, што никој кај нас не и даде соодветно значење. А го има денес, она што го имаше Неправда во седумдесетите..

29.Kinks - Waterloo Sunset ( No 2)

Почнувајки ја кариерата како придружна група на пеачот Robert Weiss, еволуираат од само една од Мерсибит групите во една од најзначајните формации во историјата на поп музиката во Велика Британија. Ретко кој како нив може да се пофали со таков старт како нивниот: Во период 1964/1970, 18 Топ 40 сингла, од нив 13 Топ 10, два Топ 20, три со No2 позиција и три првопласирани! Нивниот прв сингл You really got me ќе биде директниот повод како урнек  за создавање на таканаречениот хеви метал. Со не многу персонални измени, секогаш предводени од браќата Davies - Ray и Dave, урнек на подоцнежните, од деведесетите, браќата Gallagher, Liam и Noel , постојано во судир, не водејки сметка каде се случува, пред очите на јавноста, семејството или пак, публиката на концертите. Но како авторски тандем функционирале беспрекорно.Како и во случајот на овој сингл кој е напишан среде снимањето на нивниот пети албум Something else.

30.Alan Price Set - Simon Smith and amazing dancing bear ( No 4) 

Клавијатурист, пеач, англичанец. Го предводи сопственото Alan Price комбо кое прераснува во Animals. Си оди 1965 (свири на нивниот најголем хит House of the rising sun), ги реоформува Alan Price combo кои пред снимањето на првиот сингл се преименуваат во Alan Price set. Било помодерно. Ова им е третиот сингл, втор Топ 10 пласман максимално до местото број четири.