АНГЛИСКИ ТОП 40 ( 06.05 - 13.05 1967) - прв дел.

31.Vince Hill - Edelweiss ( No 2)

Учел занает за да стане пекар, потоа работи како продавач  на освежителни пијалаци, и повремено, пеел. Во 1958 ја создава групата Raindrops а од 1962 продолжува самостојно. Ќе изреди осум Топ 40 сингла, еден од нив Топ 10, со второто место како највисок дострел. Песната за реткото алпско цвеќе кое расне на големи височини, симбол за докажување на нечија љубов:"Ме сакаш?Донеси ми Еделвајс!" 

Просто не можам да верувам дека нема видео (во било која форма) за оваа песна, па се решив за опцијата:дај што ќе дадеш! Кавер верзијата од токму тоа време ( 1967) на југословенската ( хрватската ) пеачка Бети Јурковиќ.

32.Whistling Jack Smith - I was Kaiser Bill's Batman ( No 5)

Еден куп претпоставки, но ова е аксиома, која се прима како вистина без доказ. Вистинското име му е Billy Мoeler. Бил дел од студијска вокална група и конечно убеденен во сопствените можности се обидува да ги провери. Единствен пат - успешно. Со овој сингл максимално до петото место.

33.Pink Floyd - Arnold Layne ( No 20)

Само два Топ 10 хита во дискографската кариера и еден куп круциелни албуми за историјата на популарната музика и поп културата воопшто. Еден од тие два Топ 10 хита е првопласиран 1979 - во Велика Британија ( 5) и во САД (4 недели), со дијамантски, милионски тираж, Аnother brick in the wall. Уште четири Топ 40 пласмани, ама освен овој ниеден во Топ 20 полето.

34.Georgie Fame - Because I love you ( No 15)

Вистинското име му е Clive Powell, а естрадното му го дал менаџерот Larry Parnel .

Три Топ 10 хита, сите првопласирани.

35.Herb Alpert - Casino Royale ( No 27)
Casino Royale е 21-от филм од серијалот за тајниот агент James Bond (2006) првиот со Daniel Craig во главната улога но и првиот роман на Ian Fleming за него од 1953. Впрочем, трета екранизација, првата како телевизијска епизода 1954 а втората како сатиричен филм во 1967 со David Niven во главната улога.Овој сингл е насловна тема во филмот, со трубачот Herb Alpert (оснивач на дискографската куќа A&M а чија жена Lani Hall ќе пее една од неофицијалните теми во подоцнежниот филмски серијал за James Bond повторно во изведба на Herb Alpert - Never say never again ) Максимално, до оваа позиција.





36.Skatalites - Guns of Navarone ( No 36)
Доаѓаат од Јамајка, деветмина оформени во 1964. Две години по овој нивен 
единствен чарт сингл во Велика Британија 1967, нивниот лидер Don Drummond ќе изврши самоубиство под товарот на обвинението дека ја убил својата снаа. Никогаш докажан злостор. Песнава оргинално е снимена 1965, ( инспирирана од истоимениот филм од 1961 со Gregory Peck, David Niven, Anthony Quinn во главните улоги а музиката е на Dimitri Tiomkin) објавена две години подоцна и ова и е максималната позиција.Ова е снимка од настапот на Гластонбери фестивалот 2003 со неколкумина од оргиналната постава.




37.Warm Sounds - Birds and bees ( No 27)
Англиска екипа, најнапред дуо, Denver Gerrard и Barry Husband - на кои 
подоцна им се придружува и John Carr. Единствен чарт сингл, максимално до 
27-то место.



38.P.P. Arnold - The First Cut Is The Deepest ( No 8 )
Вистинското име и е Patricia Arnold родена1946 во САД а од 1966 во Велика 
Британија останувајки во неа по настапите во придружната група на Ike & Tina 
Turner.Пет сингла во чарт кариерата во Велика Британија, три со Топ 40 пласман, 
ова и е првиот, максимално на No 18. Песнава е инаку оргинал на Cat Stevens 
сместена на неговиот прв албум New Masters но никогаш објавена како негов 
сингл.Затоа ќе ја сними редица познати пеачки имиња. 



39.Bachelors - Oh how I miss you ( No 3o )
Ирска вокална група, нормално од Даблин, (како сите кои живеат на стотина километри од Белград се белграѓани, како и сите родени на Јамајка се од Кингстон). Оформени 1953 првобитно под името Harmonichords кое го менуваат во Bachelors (беќари) иако сите беа..женети!. Зад себе 17 чарт сингла, од нив осум со Топ 10 позиции и еден No 1 ( Dianne во 1964)




40.Andy Williams - Music to watch girls by ( No 33 )
Денес тој има 84 години, здравјето не го служи нешто особено добро, но донеодамна во својот приватен, домашен театар ( концертен простор за околу 3000 луѓе) во САД, одржуваше постојани концерти. Во Велика Британија во период 1957/1976 осум Топ 10 пласмани ( деветиот е 1999 со реиздание токму на оваа песна која тогаш доаѓа до деветото место) еден од сингловите (првиот ), Butterfly првопласиран во Велика Британија (2) и во САД ( 3 недели). Човек кој ги отпеа Can`t take my eyes of you (подоцна во филмот Ловци на елени но не во негова изведба, неговата верзија е искористена во филмот Bridget Jone`s diary во 2001) и насловните теми на легендарните филмови Love story, Solitere,  Godfather. Песнава која 1967 е искористена за реклама на Пепси кола подоцна и за Фиат Пунто, максимално ќе дојде до No 33 позицијата.